Честитка по повод Воскресение Христово Велигден

По повод големиот христијански празник Воскресение Христово – Велигден, Локалната самоуправа на Општина Јегуновце советот и Градоначалникот Дарко Блажески упатуваат честитка до сите верници од православна вероисповест, во честитката се вели:

– Духовната вредност на овој голем христијански празник Воскресението Христово – Велигден не потсетува на значењето и вредноста на човечкиот живот исполнет со покајание, молитва и пост. Со Воскресението Христово се празнува победата на Животот над смртта, неговата големина, добрина и семоќ. Во овие убави денови на празнување Ви посакуваме воскресенска светлина и среќни велигденски празници, исполнети со разбирање, благодет и спокој во секој дом.

ХРИСТОС ВОСКРЕСЕ – НАВИСТИНА ВОСКРЕСЕ!

Изготвил: Стојанче Антовски
Општина Јегуновце

Забрана за движење на сите граѓани од петок 16:00 часот до вторник 05:00 часот

На 40-та седница на Владата на Република Северна Македонија, донесена е одлука за ограничувањата на движењето на граѓаните за периодот којшто претстои, вклучително и за велигденските празници.

За време на викендот, вклучително и понеделник, од петок 17-ти април во 16:00 часот, до вторник 21-ви април во 05:00 часот, се забранува движењето за сите граѓани на територијата на целата држава.

Останува активна забраната за движење за сите граѓани на ниво на целата територија, секој работен ден, од понеделник до петок, од 16:00 часот до 05:00 часот наредниот ден.

Изготвил:Стојанче Антовски

Општина Јегуновце

Кризниот штаб на Јегуновце донесе нови мерки за заштита на здравјето на граѓаните

Општинскиот штаб за заштита и спасување на Јегуновце ќе даде дозвола  за работа на приватни маркети кои ќе работат за време на викендот  и ќе вршат достава до домаќинствата на кои им се потребни намирници.

Ова е еден од заклучоците кои денеска беа донесени на координативниот  состанок на кризниот штаб со кој раководи градоначалникот на Општина Јегуновце, Дарко Блажески.

Во прилог одлука и заклучоци од кординативниот состанок.

       Изготвил: Стојанче Антовски
       Општина Јегуновце

Од среда ќе важат новите мерки, се зголемува периодот на забрането движење

Владата вчера ги соопшти новите засилени мерки за ограничено движење и подолготраен полициски час. Тие се воведуваат поради тоа што заразата се шири, граѓаните не ги почитуваат доследно досегашните мерки, има случаи на неодговорно однесување и со оглед на тоа што времето се затоплува и претстојат верски празници.

Новите мерки ќе почнат да важат од утре, 8 април 2020, за целата територија на државата. Полицискиот час наместо во 21 часот ќе почнува во 16 и ќе завршува во 5 часот во работните денови, а во деновите од викенд (сабота и недела) ќе има целодневен полициски час за сите граѓани, односно од 16 часот во петок до 5 часот во понеделник.

Лицата над 67-годишна возраст од утре ќе може да се движат надвор само од 10 до 12 часот од понеделник до петок, а младите до 18 години во работни денови ќе може да излезат од дома само од 13 до 15 часот.

На јавни места се забранува да се движат повеќе од двајца граѓани во групи, освен ако се работи за родител со свои деца кои имаат до 14 години. За земјоделските активности, дозволено е движење во територијата на селата и тоа само за работни потреби.

Аптеките ќе работат непречено, a Министерството за здравство ќе изработи план за непречена работа и на здравствените установи. Исклучоци од забраната за движење важат за полицијата, армијата, здравствените работници ( ЈЗУ, ПЗУ и матичните лекари), како и за маркетите и рестораните кои се доставувачи на производи.

Изготвил:Стојанче Антовски

Општина Јегуновце

 

АПЕЛ ДО ЖИТЕЛИТЕ НА ОПШТИНА ЈЕГУНОВЦЕ

Општина Јегуновце упатува апел да се почитуваат препораките и законските одредби од страна на Владата на Република Северна Македонија, како и препораките од страна на самата Општина Јегуновце.

Апелираме до сите жители на Општина Јегуновце да го намалат движењето во институциите, со исклучок на итни и неодложни работи. Жителите на Општина Јегуновце да го сведат на минимум движењето надвор од своите домови, со исклучок за итни и неодложни работи.

Особено оваа препорака се однесува за посетување на угостителски објекти, паркови и останати отворени и затворени простории со капацитет за собирање на поголема група на луѓе.

Информациите повразни со новонастанатата ситуација со КОВИД-19 (Корона вирус), да се црпат исклучиво од Министерството за здравство, поради тоа што информациите од неофицијални извори доведуваат до паника кај населението.Лицата кои биле надвор од територијата на Република Северна Македонија и лицата кои се сомневаат дека имаат симптоми на корона вирус, им се препорачува да го контактираат Центарот за јавно здравје.

Општина Јегуновце ги почитува сите дадени препораки да не доаѓаат на работа лицата со хронични заболувања како и бремените жени.

Одржана триесетишеста седница на советот на Општина Јегуновце

Денес 09.03.2020 година со почеток во 10:30 часот се ордржа триесетишеста седница на советот на Општина Јегуновце во салата за состаноци на општинската зграда.

На седницата претседаваше претседателот на советот на општина Јегуновце Орхан Сабрии, дневениот ред содржеше 19  точки. Присутни беа сите 15 советници и градоначалникот Дарко Блажески.

Дневен ред:

    – Усвојување на записник од триесетипетта седница.

  1. Завршна сметка на Буџетот на ЕЛС Јегуновце за 2019 година.
  2. Предлог – Одлука за усвојување на Завршната сметка на Буџетот на ЕЛС Јегуновце за 2019 година.
  3. Извештај од извршениот попис на средствата, ситен инвентар и попис на благајната со состојба 31.12.2019 година во Општина Јегуновце за Заклучок за негово усвојување.
  4. Предлог – Одлука за давање на согласност на Годишната сметка за 2019 година на ООУ „Александар Здравковски“ – Јегуновце.
  5. Предлог – Одлука за давање на согласност на Годишната сметка за 2019 година на ООУ „Шемшово“ – Шемшово.
  6. Предлог – Одлука за давање на согласност на Годишната сметка за 2019 година на ООУ „Симче Настовски“ – Вратница.
  7. Предлог – Одлука за давање на согласнот на Годишната сметка за 2019 година на Јавна општинска установа за деца – Детска градинка ЈАБОЛЧИЊА Општина Јегуновце, Јегуновце.
  8. Предлог – Одлука за давање на согласнот на Годишната сметка за 2019 година на ЈЛУ Библиотека Светлина-Drita с.Прељубиште – Општина Јегуновце.
  9. Предлог – Одлука за давање на согласнот на Годишната сметка за 2019 година на Друштво за услуги ЧИСТОТА ЈЕГУНОВЦЕ ДООЕЛ с.Јегуновце, Јегуновце.
  10. Предлог – Заклучок за усвојување на Извештајот за реализација на Програмата за изградба, реконструкција и одржување на општинските патишта и улици во Општина Јегуновце за 2019 година.
  11. Предлог – Програма за изградба, реконструкција и одржување на општинската патна мрежа и улиците во Општина Јегуновце за 2020 година.
  12. Предлог – Одлука за одобрување на Програмата за спроведување на општи мерки за заштита на населението од заразни болести на подрачјето на Општина Јегуновце.
  13. Предлог – Одлука за определување на места за истакнување на изборни плакати без надоместок за време на изборната кампања.
  14. Предлог – Заклучок за давање на мислење на Годишната програма за изведување на екскурзии за учениците од ООУ „Александар Здравковски“ с.Јегуновце за учебната 2019/2020 година.
  15. Предлог – Заклучок за давање на мислење на Годишната програма за изведување на екскурзии за учениците од ООУ „Шемшово“ с.Шемшово за учебната 2019/2020 година.
  16. Предлог – Заклучок за давање на мислење на Годишната програма за изведување на екскурзии за учениците од ООУ „Симче Настовски“ с.Вратница за учебната 2019/2020 година.
  17. Предлог – Одлука за давање согласност на измена на Годишниот план за вработување за 2020 година во ООУ „Александар Здравковски“ с.Јегуновце.
  18. Предлог – Одлука за исплата на парична помош за надомест на патни трошоци за лице со ментална и телесна попреченост.
  19. Разгледување на барања.

Изготвил:Стојанче Антовски

Општина Јегуновце

Одржана работилница за примена на пристапот базиран на човековите права за лицата со попреченост

Пред претставници од различни институции во општината Јегуновце се одржа работилница за примена на пристапот базиран на човековите права за лицата со попреченост.

На работилницата беше презентирана и анализата за лицата со попреченост во рурални средини и проектот “From Disability to FoodAbility”. Присутните истакнаа дека проектот ќе овозможи поголема вклученост на лицата со попреченост во руралните средини, размена на информации и дека овој проект дава нови можности за лицата со попреченост од руралните средини.

Активно учество на оваа работилница зеде и градоначалникот Дарко Блажески кој го поздрави овој проект, истакна дека во рамки на неговите можности ќе се залага за овие лица со попреченост да можат норамлно да фунционираат во општеството.

Работилницата е дел од проектот “From Disability to FoodAbility” , кој се имплементира од Националната федерација на фармери со поддршка на Шведската организација за развој We Effect и Radiohjаlpen.

Како надворешна експертиза на полето на лица со попреченост во овој проект е вклучен Институтот за специјална едукација и рехабилитација при Филозофскиот факултет во Скопје.

Проектот има за цел да придонесе кон подобрување на состојбата на лицатa со пореченост-деца и возрасни со интелектуална и физичка попреченост и нивните семејства на територија на Општина Јегуновце.