Извршено реконструкција на спортско игралиште во населено место Копанце

Општина Јегуновце 01.08.2017 год – Завршено со реконструкција на постоечко руинирано спортско игралиште во населено место Копанце.

Денес Градоначалникот Тони Коцески присуствуваше во населеното место Копанце каде лично направи увид во градежните активности кои се одвиваат на самата изградбата на овој проект, и посочи дека после оваа реализација ќе им се овозможи на младите од ова населено место непречено да спортуваат и се рекреираат.

Изготвил:Стојанче Антовски

Општина Јегуновце

Започна со изградба на локален пат Копанце,Ротинце,Подбреѓе со крак до ОУ во населено место Ротинце

Општина Јегуновце 25.07.2017 година- Започна со изградба на локален пат Копанце,Ротинце,Подбреѓе со крак до ОУ во населено место Ротинце. Патот ќе биде  во должина од 4.300 метри а  изведувачи се фирмата Ескаватори.

Средства за успешна реализација се  од   „ЕУ ИПА средства за рурална инфраструктура обезбедени од Општина Јегуновце„

Со овој инфраструктурен зафат значително ќе се подобрат условите и ќе се олесни одвивањето на сообраќајот во овој дел на Општина Јегуновце.

Денес Градоначалникот Тони Коцески присуствуваше во населеното место Копанце каде лично направи увид во градежните активности кои се одвиваат на самата изградбата на патот.

Од направениот увид констатирано беше дека градежните активности се одвиваат според зацртаната динамика на изведба и овој проект се очекува да биде комплетиран наредните неколку дена.

Изготвил:Стојанче Антовски
Општина Јегуновце

Мобилен даночен шалтер пред седиштето на Општина Јегуновце

Општина Јегуновце 18-07-2017 год – Продолжува олеснувањето на даночната процедура, заштеда на време и трошоци за исполнување на даночните обврски како и обезбедување брз и лесен пристап до даночните услуги, Управата за јавни приходи (УЈП) денес повторно е присутна преку „Мобилниот даночен шалтер“ (опремено комбе – канцеларија) пред седиштето на Локалната самоуправа на Општина Јегуновце.

Преку опременото комбе – мобилна даночна канцеларија, граѓаните и фирмите од Јегуновце без да го напуштат своето место на живеење, имаа можност да ги добијат сите даночни услуги и информации, односно да ги достават сите видови на даночни пријави и барања како и да ги подигнат потребните документи што ги издава УЈП.

Управата за јавни приходи преку воведувањето на мобилниот даночен шалтер на територијата на Општина Јегуновце прави еден исчекор во олеснувањето на даночната процедура, заштеда на време и трошоци за исполнување на даночните обврски и обезбедување брз и лесен пристап до даночните услуги.

Граѓаните и фирмите можат да добијат редовни информации за возниот ред на мобилните даночни шалтери преку веб-страницата на УЈП www.ujp.gov.mk или преку Инфо – центарот 0800 33 000.

 

Изготвил: Стојанче Антовски
Општина Јегуновце

Именуван нов директор на „ООУ Александар Здравковски“ во Јегуновце

18-07-2017 год – Градоначалникот Тони Коцески го именуваше Деан Трпески за нов директор на „ООУ Алкесандар Здравковски“ во Јегуновце.

Мандатот на именуваниот директор, Деан Трпески почува да тече од 19.07.2017 година а ќе трае 4 години.

Градоначалникот Коцески му посака успешна работа на новото работно место, како и взаемна понатамошна соработка, исто така изрази и голема благодарност за досегашната работа и придонез со раководењето ОУ и до  Анѓелина Костовска, директор на кој веќе и истече мандатот.

 

Изготвил:Стојанче Антовски

Општина Јегуновце

И З В Е С Т У В А Њ Е

Општина Јегуновце ги известува граѓаните дека вториот наврат од дезинсекција против возрасни комарци во 2017 година, по земјен пат, ќе се реализира на 17 и 18 јули, во период од 22.00 до 04.00 часот.

Релацијата на третираната површина е претходно утврдена од страна на стручни лица вработени во општината Јегуновце.Третирањето ќе се извршува со биоцид Aqua K-Othrine, за кое има решение за употреба од М.З. на Р.Македонија со доза препорачана од произведувачот и СЗО.

Се известуваат пчеларите навремено да ги преземат потребните мерки за заштита на пчелите.

 

Изготвил:Стојанче Антовски

Општина Јегуновце

Завршено со поставување на нов асфалт на локалниот пат во населено место Рогачево

Општина Јегуновце 13.07.2017г – Завршија градежните активности околу  поставување на нов асфалт  на локалниот пат во населено место Рогачево.

Патот е во должина од 1400 метри, додека средствата за успешна реализација се обезбедени од страна на „ЕУ ИПА средства за рурална инфраструктура и Општина Јегуновце„

Градоначалникот Коцески најави и нови инвестиции за подобрување на локалната патна инфраструктура во текот на оваа сезона  каде ќе се работи на уште неколку локации и во останатите населени места низ Општина Јегуновце.

Со овој инфраструктурен зафат значително ќе се подобрат условите и ќе се олесни одвивањето на сообраќајот во овој дел на Општина Јегуновце.

Изготвил:Стојанче Антовски

Општина Јегуновце

 

Изградено улица во населено место Старо Село

Општина Јегуновце 10-07-2017 година – Со цел олеснување, подобрување и безбедност за функционирање во секојдневните работи на жителите од населеното место Старо Село, изгради улица.

Улицата е во должина од 127 метри, изведувач е фирмата Ринџо ДОЕЛ од Брвеница додека средствата за успешна реализација се обезбедени од страна на Бирото за регионален развој во соработка со Општина Јегуновце.

Со овој инфраструктурен зафат значително ќе се подобрат условите и ќе се олесни одвивањето на собраќајот во овој дел од населено место Старо Село.

Изготвил:Стојанче Антовски

Општина Јегуновце

Започна турнир во мал фудбал „Ратае 2017“

Општина Јегуновце 2017 – Започна турнир во мал фудбал „Ратае 2017“. Бројот на екипи изнесува 29, а натпреварите се играат во две фази: првата фаза по групи и втората елиминациона фаза.

На овој турнир како гостин беше поканет и Градоначалникот Тони Коцески  кој го поздрави овој настан, образложи дека општината постојано вложувала средства за развој на спортот, издвојува средства како на регистрираните спортски клубови, така и за организирање на турнири по населените места, а ја имаше  честа и да го прогласи овој турнир за отворен.

Изготвил:Стојанче Антовски

Општина Јегуновце

 

 

Градоначалникот Тони Коцески во посета на населено место Копанце

Општина Јегуновце 30.06.2017 год – Градоначалникот Тони Коцески присуствуваше во населеното место Копанце каде оствари средба со дел од мештаните од ова населено место, како и лично направи увид на новоизградената улица со бехатон плочки,  констатирано беше дека е изградена според пропишаните проектни стандарди.

Како и секогаш после низа успешно реализирани проекти градоначалникот Коцески најави нови инвестиции во ова населено место како и во останатите во зависност од финансиската моќ со кој располага самата Општина Јегуновце.

 

Изготвил:Стојанче Антовски

Општина Јегуновце

Изградено со бехатон плочки улица во населено место Копанце

Општина Јегуновце 29-06-2017 година – Со цел олеснување, подобрување и безбедност за функционирање во секојдневните работи на жителите од населеното место Копанце, изгради улица со бехатон плочки.

Улицата е во должина од 122 метри, изведувач е фирмата Ринџо ДОЕЛ од Брвеница додека средствата за успешна реализација се обезбедени од страна на Бирото за регионален развој во соработка со Општина Јегуновце.

Со овој инфраструктурен зафат значително ќе се подобрат условите и ќе се олесни одвивањето на собраќајот во овој дел од населено место Копанце.

 

Изготвил:Стојанче Антовски

Општина Јегуновце