Демант

Градоначалникот на општина Јегуновце Дарко Блажески ја демантира објавата  којa се појавија на социјалната мрежа Facebook објавена од профилот (Умс Вмро-Дпмне О.К. Јегуновце) во врска со тендерот за зимското одржување за кој  истите тврдат дека е направен во четири очи.

Општина Јегуновце најостро  ги осудува ваквиод вид на ширење шпекулација и бара јавно извинување од истите.

Подетални информации во врска со сите огласите може да најдете на следниод линк: https://www.e-nabavki.gov.mk/PublicAccess/home.aspx#/notices 

Прилог фотографија преземена од: e-nabavki.gov.mk

Изготвил:Стојанче Антовски

Општина Јегуновце

 

 

Честитка по повод Божиќ

Локалната самоуправа на Општина Јегуновце и градоначалникот Дарко Блажески на сите православни христијани им го честита Христовото раѓање – Божиќ.

Во духот на христијанството, Божиќ е најголемиот и најрадосниот христијански празник, празник на светлината, надежта и спасението. Христовото раѓање е голем и светол настан за човековиот род, поттик за надеж и верба во животот, љубов и радост во секој наш дом.

Среќен Божиќ. Христос се роди.

Изготвли:Стојанче Антовски
Општина Јегуновце

Градоначалникот Блажески во посета на населените места зафатени од големи намети од снег

Општина Јегуновце 2019 година – Поради силен ветер затрупани од намети со снег беа локалните патишта во населените места Рогачево и Јажинце.

Градоначалникот Блажески излезе на лице место во погодените населени места, каде оствари средби со месното населени со што заедно ги анализираа кртичните точки и изнаоѓаа решение за истите.

Од страна на локалната самоуправа беше ангажирано и багер кој вршеше зафат на затрупаните места на коловозот каде наметите достигаа и до два метри со што патиштата се целосно пробиени и оспособени за одвивање на сообраќајот.

Екипа ангажирана од страна на Општина Јегуновце е сеуште на терен каде  стојат на располагање на самите жители од овие населени места.

Општина Јегуновце препорачува внимателно возење во овие делови поради остатоци од кашест снег на патот.

Изготвил:Стојанче Антовски

Општина Јегуновце

СРЕЌНА НОВА 2019 ГОДИНА

Локалната самоуправа на Општина Јегуновце ви ја честита Новата 2019 ГОДИНА, со желби за многу здравје, успех, среќа и благосостојба во сите свери на животот.

Во новата 2019 година, продолжуваме заедно да работиме за модерена, развиена и убава општина Јегуновце.

Изготвил: Стојанче Антовски
Општина Јегуновце

Потпишан меморандум за соработка во Белш Република Албанија

Градоначалникот на општина Јегуновце Дарко Блажески, раководителот од Центарот за развој на Полошки плански регион од Репулика Македонија Фатмир Саити и градоначалникот Ариф Тафани од општина Белш Репулика Албанија потпишаа меморандум за заедничка соработка.

Меморандумот беше потпишан во општина Белш Репулика Албанија а целта на овој меморандум е потврда на соработката помеѓу општина Јегуновце, Центарот за развој на Полошки плански регион и општина Белш во рамките на вториот повик за поднесување на проекти во програмата за прекугранична соработка помеѓу Ребулика Македонија и Репулика Албанија.

Потписниците на Меморандумот прифаќаат да поднесат заедничка проектна апликација согласно правилата на вториот отворен повик за поднесување на проекти во програмата за прекугранична соработка помеѓу Репулика Македонија и Репулика Албанија.

Изготвил:Стојанче Антовски
Општина Јегуновце

Делегација на општина Јегуновце во посета на дечињата со посебни потреби од ОУ Симче Настовски с.Вратница

Делегација од локалната самоуправа на општина Јегуновце предводена од секретарот Љупчо Столески, во пресрет на новогодишните празници ги посети децата со посебни потреби од ОУ Симче Настовски од Вратница со што ги израдува со новогодишно пакетче кое изнуди насмевка на  детските лица.

Овие дечиња се разликуваат од останатите и нивната убавина е токму во таа посебност, во разликување и издвојување од останатите, затоа должност наша е да се грижиме да им биде олеснет животот и исполнет со убави работи.

Изготвил:Стојанче Антовски
Општина Јегуновце

Одржана шеснаесетта седница на Советот на Општина Јегуновце

Денес 27.12.2018 година со почеток во 10:30 часот се ордржа шеснаесетта седница на советот на Општина Јегуновце во салата за состаноци на општинската зграда.
На седницата претседаваше претседателот на советот на општина Јегуновце Орхан Сабрии, дневениот ред содржеше 11 точки а дополнет беше со плус една, присутни беа сите 15 советници  и градоначалникот Дарко Блажески.
Дневен Ред:
       – Усвојување на Записник од петнаесетата седница.
  1. Предлог – Буџет на Општина Јегуновце за 2019 год.
  2. Предлог – Одлука за усвојување на Буџет на Општина Јегуновце за 2019 год.
  3. Предлог – Одлука за извршување на Буџет на Општина Јегуновце за 2019 год.
  4. Предлог – Одлука за утврдување на вредноста на бодот за платите на државните службеници за 2019 година.              
  1. Предлог – Одлука за усвојување на Планот за архивски знаци за распоредување на актите за 2019 год на Општина Јегуновце.
  1. Предлог – Одлука за трансферирање на средства – субвенции од Буџетот на Општина Јегуновце на Друштвото за услуги ЧИСТОТА ЈЕГУНОВЦЕ ДООЕЛ с.Јегуновце, Јегуновце за 2019 година.
  2. Предлог – Одлука за превземање на обврска за плаќање на фактури за потрошена електрична енергија од Друштвото за услуги ЧИСТОТА ДООЕЛ с.Јегуновце, Јегуновце.
  3. Предлог – Одлука за отпочнување со работа и вршење на дејноста на Јавната општинска установа за деца – Детска градинка „ЈАБОЛЧИЊА„ во с.Јегуновце општина Јегуновце, во објект „Цветови„ лоциран на ул 101 бр.бб во с Прељубиште општина Јегуновце во состав на Јавната општинска установа за деца – детска градинка „ЈАБОЛЧИЊА„ во с.Јегуновце, општина Јегуновце.
  4. Предлог – Одлука за давање на користење, одржување и управување на објектот „Цветови„ во сПрељубиште, општина Јегуновце на Јавната општинска установа за деца – Детска градинка „ЈАБОЛЧИЊА„ во с.Јегуновце општина Јегуновце
  5. Предлог – Одлука за давање на користење на недвижен имот – канцеларија, без надоместок, на неопределено време.
  6. Разгледување на барања.

Изготвил:Стојанче Антовски
Општина Јегуновце

22 години Општина Јегуновце

Денес 18 Декември 2018 година, Општина Јегуновце одбележува 22 години од своето формирање.

Локалната самоуправа на Општина Јегуновце предводена од градоначалникот Дарко Блажески по повод денот на формирање на Општина Јегуновце упатува честитки до сите жители на оваа општина.

На денешен ден пред 22 години се конституирал првиот повеќепартиски совет на Општина Јегуновце со што жителите од овој крај добија своја општина која ќе биде поблиска до сите граѓани.

Во населените места низ Општина Јегуновце за овие 22 години се изградени повеќе капитални проекти: водоводи, резервари, канализации, локални патишта и улици, спортски игралишта, мрежа за улично осветлување, реконструирани се училишта и домови на културата, како и многу други проекти со што значително се подобрени условите на живеење за сите жители.

Изготвил:Стојанче Антовски
Општина Јегуновце