Одржана трета седница на Советот на Општина Јегуновце

Денес 27.12.2017 година со почеток во 10 часот  се ордржа третата седница на советот на Општина Јегуновце во салата за состаноци на општинската зграда.

На седницата претседаваше претседателот на советот на општина Јегуновце Орхан Сабрии, дневниот ред содржеше 7 точки, и беше дополнет со плус една:

  1. Предлог – Буџет на Општина Јегуновце за 2018 година.
  2. Предлог – Одлука за усвојување на Буџетот на Општина Јегуновце за 2018 година.
  3. Предлог – Одлука за извршување на Буџетот на Општина Јегуновце за 2018 година.
  4. Предлог – Одлука за утврдување на вредност на бодот за платите на државните службеници за 2018 година.
  5. Предлог – Одлука за одобрување на финасиски средства од Буџетот на Општина Јегуновце.
  6. Предлог – Одлука за трансферирање на средства – субвенции од Буџетот на Општина Јегуновце на Друштвото за услуги ЧИСТОТА ЈЕГУНОВЦЕ ДООЕЛ с.Јегуновце, Јегуновце за 2018 година.
  7. Предлог – Одлука за усвојување на Планот за архивски знаци за распоредување на актите за 2018 година на Општина Јегуновце.
  8.  Разгледување на барање од ООУ Шемшово с.Шемшово.

 

Изготвил:Стојанче Антовски

Општина Јегуновце

Номинирани најуспешните спортисти за 2017 година

Симона Симовска која доаѓа од карате клубот ТИГАР 2003 од Беловиште, Општина Јегуновце е номинирана за млада спортсика за 2017 година.

Општина Јегуновце е горда на успесите на Симона Симовска и карате клубот ТИГАР предводен од трењерите Живорад и Сребра Мишовски.

 

Изготвил:Стојанче Антовски

Општина Јегуновце

21 година Општина Јегуновце

18 Декември 2017 година, Општина Јегуновце одбележува 21 година од нејзиното формирање.

По повод денот на Општина Јегуновце Градоначалникот Дарко Блажески, упатува честитки до сите жители на оваа општина.

На денешен ден пред 21 година се конституирал првиот повеќепартиски совет на Општина Јегуновце со што се исполни желбата на жителите од овој крај, да имаат своја општина која ќе биде поблиска до граѓаните.

За овие 21 година во Општина Јегуновце се изградени водоводи, резервари, канализации, локални патишта и улици, спортски игралишта, мрежа за улично осветлување, реконструирани се училишта и домови на културата, како и многу други проекти со што значително се подобрени условите на живеење на граѓаните на Општина Јегуновце.

 

Изготвил:Стојанче Антовски

Општина Јегуновце

Одржана прва работилница на тема „Силни граѓански организации за позитивни социјални промени“

Успешно одржана првата работилница  на тема: „Силни граѓански организации за позитивни социјални промени“.

Овој настан е организиран од страна на Фондацијата за развој на локалната заедница Штип во соработка со партнерите Центар за одржлив развој – Алка Скопје и Институт за развој на заедницата Тетово подржан од општина Јегуновце.

Целта на проектот е да се креираат транспарентни и отчетни процедури за финансирање на граѓанските организации од буџетите на локалната самоуправа и стимулирање на примена на добри практики помеѓу општините.

Како резултат од планираните три работилници, треба да произлезе методологија за распределба на средства за здружение на граѓани од страна на општината.

Ова е од особена важност за транспарентно доделување на средства што ќе овозможи компетитивност на идеите на здруженија кои се важни за целата заедница.

Изготвил:Стојанче Антовски

Општина Јегуновце

Известување

Општина Јегуновце ги известува а воедно и задолжува сопствениците на нивите кој се наоѓаат покрај регионалниот пат Пршовце – Јегуновце во рок од 15 дена да ги отстранат стеблата и дрва кој се  на работ на коловозот од лева и десна страна, бидејќи претстојниот период од три месеци ќе се изведуваат градежни активности на истиот Регионален пат Р-2234 односно ќе се реконструира, надградува и модернизира.

 

Изготвил:Стојанче Антовски

Општина Јегуновце

Претставници на ЦУК во работна посета на Општина Јегуновце

Денес 06.12.2017 година во просториите на Општина Јегуновце се одржа работна средба помеѓу градоначалникот Дарко Блажески и претставници на ЦУК.

На средбата беше дискутирано на повеќе теми, разменети беа повеќе меѓусебни мислења кој се од општо добро за жителите на оваа општина.

 

Изготвил:Стојанче Антовски

Општина Јегуновце

Претставници на ЕВН во работна посета на Општина Јегуновце

Денес 06.12.2017 година во просториите на општина Јегуновце беше одржана работна средба помеѓу градоначалникот Дарко Блажески, претседавачот на советот на општина Јегуновце Охран Сабрии и претставници на ЕВН.

На средбата се дискутираше на повеќе теми за конкретни предмети меѓу кој и  изградба на две трафостаници за населените места Шемшово и Жилче, разменети беа и повеќе меѓусебни мислења од кој интерес ќе имаат сите жители на Општина Јегуновце.

 

Изготвил:Стојанче Антовски

Општина Јегуновце

Одржан регионален форум на тема „Предлог мерки за справување со депониите“

04.12.2017 година во просториите на Штуловиот универзитет во Тетово од страна на CIVICA mobilitas одржан е регионален форум на тема „Предлог мерки за справување со депониите“.

За овој проблем дискутираат градоначалникот Дарко Блажески како и градоначалниците на Тетово, Гостивар, Струга и Желино.

Разговарано беше на тема планови за справување со депониите во општините, предизвици со кој се соочуваат при менаџирање на отпадот во општините, како и тоа како гледаат на можностите за регионална соработка и регионални решенија за менаџмент на отпадот.

 

Изготвил:Стојанче Антовски

Општина Јегуновце

Одбележан меѓународниот ден на лица со посебни потреби и во ОУ Симче Настовски-Вратница

По повод меѓународниот ден на лицата со посебни потреби, делегација од Општина Јегуновце предводена од Градоначалникот Дарко Блажески денеска ги посети дечињата со посебни потреби од основното училиште Симче Настовски од Вратница.

На дечињата од страна на градоначалникот им беше доделено училишен прибор додека во чест на меѓународниот ден на лица со посебни потреби ОУ Симче Настовски ги изненади со тоа што им приреди и театарска претстава.

Изготвил:Стојанче Антовски

Општина Јегуновце